Friday 26th February 2021

एनएफपिजेनेपालले यसरी मनाईयो १८० औं अन्तराष्ट्रिय फोटोग्राफी दिवस ।

प्रकाशित मिति: २०७६, २ भाद्र सोमबार २३:०४

धादिङबेसी भदौ २ । १८० औं विश्व फोटोग्राफी दिवस नेपालमा पनि विभिन्न कार्यक्रमहरु गरि मनाईएको छ । राष्ट्रिय फोटो पत्रकार समुह,एनएफपीजे नेपाल र नेपाल फोटो पत्रकार संघ धादिङको संयुक्त आयोजनामा धादिङबेसीमा अन्तराष्ट्रिय फोटोग्राफी दिवस मनाइएको हो ।

 

 

नीलकण्ठ नगरपालिका प्रमुख भिम प्रसाद ढुङ्गानाको प्रमुख आतिथ्य तथा नारयण शिलवालको सभापतित्वमा सम्पन्न उक्त कार्यक्रममा नेकपा नेता रामबहादुर भण्डारी, राष्ट्रिय फोटो पत्रकार समुह नेपालका केन्द्रीय अध्यक्ष, प्रमुख जिल्ला अधिकारी, धादिङ्ग जिल्ला प्रहरी प्रमुख, नेपाल पत्रकार महासंघ धादिङ्गको अध्यक्ष लगायतको उपििस्थति रहेको थियो ।
पानसमा वक्ती बालेर र फोटो खिचेर नीलकण्ठ नगरपालिका प्रमुख भिम प्रसाद ढुङ्गानाले कार्यक्रमको उदघाटन गर्नुभएको थियो । उक्त अबसरमा राष्ट्रिय फोटो पत्रकारहरु काठमाडौ, मकवानपुर, नुवाकोट धादिङका फोटो पत्रकारहरु, स्थानिय पत्रकारहरु, विद्यार्थीहरुको उपस्थितिमा प्रभातफेरी समेत गरेको थियो ।

१८० औं अन्तराष्ट्रिय फोटोग्राफी दिवसको अवसरमा धादिङबेसी पुछार बजारबाट सुरुभएको प्रभात फेरि कार्यक्रम बीचबजार स्थित आर।के। व्यान्क्वीटमा पुगेर समापन गरिएको थियो । अन्तराष्ट्रिय फोटोग्राफी दिवस विशेष कार्यक्रममा प्रमुख अतिथि समेत रहेका नगर प्रमुख ढुङ्गानाले फोटो पत्रकारहरु समाजका परिवर्तनका संवाहक भएको बताएका थिए । हरेक मोर्चाको अग्रभागमा देखा पर्ने फोटो पत्रकारहरुलाई अझै राज्यले बुझ्न नसकेको प्रति चिन्ता समेत व्यक्त गरेका थिए ।
यस्तै नेकपा नेता रामबहादुर भण्डारीले फोटो पत्रकारहरुले अझै ढुक्क सँग फोटो खिच्ने वातावरण नभएको दावी गरेका थिए । हरेक घटना र अनियमिताको सबुद प्रमाण खिच्ने फोटो पत्रकारहरुले सहज ढंगले फोटो खिच्न पाउनु पर्नेमा समेत जोड दिएका थिए । त्यसैगरी राष्ट्रिय फोटो पत्रकार समुहका केन्द्रिय अध्यक्ष राजेन्द्र चित्रकारले फोटो पत्रकारिता गर्न सहज र सजिलो नभएको तर पछिल्लो समय बढेर गएको फोटो पत्रकारिताको आकर्षण प्रति प्रशंसा गर्दै अन्तराष्ट्रिय फोटोग्राफी दिवसको शुभकामना दिएका थिए ।

कार्यक्रममा राष्ट्रिय फोटो पत्रकार समुहका महासचिव प्रदिपराज वन्त, प्रमुख जिल्ला अधिकारी भगीरथ पाण्डेय, प्रहरी प्रमुख राजकुमार वैदवार, पत्रकार महासंघ ३ नम्बर प्रदेशका सल्लाहकार गिरिजा अधिकारी, पत्रकार महासंघ धादिङ केन्द्रिय सदस्य हरिहर सिंह राठौंर, पत्रकार महासंघ धादिङ अध्यक्ष नवराज छत्कुली नीलकण्ठ क्याम्पसका प्राध्यापक नविनबन्धु पहाडी, एड्भान्स एकेडेमीका एशोसिएट प्रिन्सिपल भिम श्रेष्ठ लगायतले शुभकामना मन्तव्य व्यक्त गर्नु भएको थियो ।
कार्यक्रममा नीलकण्ठ माविमा पत्रकारिता पढ्दै गरेका विद्यार्थी, एड्भान्स एकेडेमीमा कानुन पढ्दै गरेका कक्षा १२ का विद्यार्थी जिल्ला स्थित पत्रकारहरुको सहभागिता रहेको थियो । कार्यक्रम स्थलमा धादिङ जिल्लाका ३०० भन्दा बढी फोटोहरु प्रदर्शनीमा राखिएको थियो । उक्त अबसरमा सम्पूर्ण अतिथिहरु लगायतलाई मायाँको चिनो समेत प्रदान गरिएको थियो ।

नेपाल फोटोपत्रकार सघ धादिङ्गको दोस्रो जिल्ला अधिवेशन

औपचारिक कार्यक्रम पश्च्यात सोही अवसरमा धादिङ जिल्ला नेपाल फोटोपत्रकार सघको दोस्रो जिल्ला अधिवेशन सम्पन्न भयो । फोटो पत्रकार संघ धादिङको उपाध्यक्षको जिम्मेवारी वहन गरि सकेका अन्नपुर्णपोष्ट दैनिकका दुवाडी सर्वसहमतिमा अध्यक्षमा निर्वाचित भएका हुन् । समितिको उपाध्यक्षमा सन्तोष श्रेष्ठ, सचिव सरिता श्रेष्ठ, सह सचिव गोमा थापा र कोषध्यक्षमा रामकुमार थापा निर्वा्चित भए । यस्तै निर्वा्चित हुने सदस्यहरुमा विपिन मल्ल, सुशिल थापा, विष्णु कुमार श्रेष्ठ र सुशिला विश्वकर्मा रहेका छन् । ४३ जना फोटो पत्रकारहरु सदस्य रहेको यस फोटो पत्रकार संघ धादिङले जिल्लामा विभिन्न गतिविधि गर्दै आएको छ ।

राष्ट्रिय फोटोपत्रकार समुह एनएफपीजे नेपालको ३ नंं प्रदेश कमिटि गठन

आजै राष्ट्रिय फोटोपत्रकार समुह एनएफपीजे नेपालको ३ नंं प्रदेश कमिटिको पनि निमार्ण पश्चात घोषणा गरिएको थियो । राष्ट्रिय फोटो पत्रकार समुह ३ नम्बर प्रदेशको अध्यक्षमा नारायण सिलवाल धादिङ चयन भएका छन् । राष्ट्रिय फोटो पत्रकार समुह नेपालका केन्द्रिय समितिका पदाधिकारी तथा सदस्यहरुको उपस्थितिमा भएको उक्त प्रथम अधिवेशनबाट यस अघि धादिङ जिल्लाको अध्यक्षमा रहेर काम गरि सकेका नारायण सिलवाल अध्यक्षतामा चयन भएका हुन् ।

यस्तै ३ नम्बर प्रदेश समितिको उपाध्यक्षमा सुदिप सिवाकोटी , सचिवमा राजन अधिकारी र कोषध्यक्षमा लोकेश लिम्बु सदस्यहरुमा कपिल खड्का, राजेन्द्र आचार्य, राजेन्द्र गजुरेल चयन भएका छन् । अधिवेशनले हरिहर सिंह राठौर र गिरिजा अधिकारीलाई सल्लाहकारमा चयन गरेको छ । अध्यक्षमा निर्वा्चित भए सँगै अध्यक्ष नारायण सिलवालले प्रदेशभित्र रहेका प्रत्यक जिल्लामा राष्ट्रिय फोटो पत्रकार समुह गठन गरिने र फोटो पत्रकारहरुको लागि क्षेमता अभिबृद्धिका लागि तालिम चलाईने बताए ।

डडेलधुरामा पनि अन्तराष्ट्रिय फोटोग्रफी दिवस मनाईयो

डडेलधुरामा पनि राष्ट्रिय फोटोपत्रकार समुह डडेलधुरा शाखाले प्रभात फेरी गर्दै १८० औं विश्व फोटोग्राफी दिवस मनाईएको समाचार प्राप्त भएको छ । टेकराज अवस्तीको सयोजकत्वमा डडेलधुरामा प्रभातफेरी सहित विश्व फोटोग्राफी दिवस मनाईएको हो ।


तपाईंको प्रतिकृयाहरू


ताजा अपडेट
‘के यसअघि मैले गुलेली खेलाउँथे, चरा मारेर बसेको थिएँ ?’ ‘प्रहरीमा पुरानै हुँ, काठमाडौंमा नयाँ छु तर यहाँ काम गर्न मलाई अप्ठेरो छैन -काठमाडौं प्रहरी प्रमुख

अपराधी सँसारको जुनसुकै कुनामा भएपनि कानुनी दायरामा ल्याउछौं : सर्बेन्द्र खनाल, एसएसपी

प्रचण्डले आफ्नो जीवनसँग मोदीलाई जोडेर भारतीय मिडियासँग दिए यस्तो प्रतिक्रिया ! (अन्तरवार्तासहित)

(अन्तरवार्ता) भारतले सधैं नेपालको शान्ति, स्थायित्व र विकासमा चासो लिँदै आएको छ – मुखर्जी

पौडेल पक्ष जसरी पनि महाधिवेशन रोक्ने तयारीमा लागेको छ–जन्मजय तिमिल्सिना, नेता तरुण दल

अझै संघीयता भन्दा पनि बिकेन्द्रीकरणलाई मजबुत बनाउदा राष्ट्र बलियो हुन्छ- गीता राणा, उपाध्यक्ष-फोरम लोकतान्त्रीक